Eurodeputetja dhe nënkryetarja e Parlamentit Evropian, njëkohësisht raportuesja për Kosovën në PE, Ulrike Lunacek është shprehur se qeveria “Haradinaj” duhet të fillojë trajtimin e problemeve urgjente të Kosovës që nga dita e parë.
“Një rrugëdalje nga kriza ekonomike, iniciativa për tërheqjen e investimeve, krijimi i vendeve të reja të punës, veçanërisht në fushën e burimeve të ripërtëritshme dhe efikasitetin e energjisë dhe përmirësimin e shërbimeve në sektorin e shëndetësisë dhe arsimit për qytetarët.” ka thënë Lunaçek.
Ajo më tej ka nënvizuar se sigurisht që institucionet dhe sundimi i ligjit duhet të forcohen, duhet të intensifikohet e drejta kundër korrupsionit dhe krimit të organizuar.
“Ky aspekt i fundit është gjithashtu një nga dy që nevojiten për të bërë të mundur që ne në BE të vazhdojmë me liberalizimin e vizave për qytetarët e Kosovës dhe historia për bindjet e nivelit të lartë për korrupsionin dhe krimin e organizuar duhet të përmirësohet seriozisht”, tha ajo.
Por Lunaçek i sjell në vëmendje Haradinajt, Demarkacionin duke kërkuar që sa më parë të ratifikohet kjo marrëveshje.
Më tej shton se rruga e Kosovës në BE duhet të intensifikohet, për shembull duke zbatuar Marrëveshjen e Stabilizim Asociimit, si dhe Axhendën Evropiane të Reformës.
“Sa i përket marrëdhënieve me Serbinë fqinje, shoh faktin se Lista Srpska ka votuar për ish-Udhëheqësin e UÇK-së Ramush Haradinaj si Kryeministër një sinjal pozitiv për vazhdimin e dialogut të lehtësuar nga BE-ja ndërmjet Republikës së Kosovës dhe Serbisë”, përfundon deklarata e Lunaçek. /tesheshi.com/
