Kateri Schwandt dhe burri i saj Jay, të dy 45 vjeç, kohët e fundit, pas 14 djemsh, u erdhi në jetë një vajzë.
Ky çift nga Michigan mirëpriti të voglën Maggie Jayne në fillim të këtij muaji dhe ata thonë se nuk mund të ishin më të lumtur.
“Ne kemi krijuar shumë kujtime këtë vit, të bukura dhe të pazakonta, dhe Megi është dhurata më e madhe që kemi marrë”, tha Jay me krenari.
Djali i madh, njëri nga 14, Tyler 28 vjeçc, tha se nuk kishin pasur asgjë rozë në shtëpi deri më tani dhe se ishin të bindur që prindërit nuk do të bënin kurrë një vajzë.
Kjo familje tashmë është shfaqur në media disa herë për shkak të numrit të madh të anëtarëve, por edhe faktit interesant që Jay dhe Kateri kanë sjellë në jetë vetëm djem prej vitesh, raporton The Sun. /tesheshi.com/
