Për shkak të rritjes së transmetimit lokal të koronavirusit në Kinë, të paktën 11 rajone në tre provinca janë vënë nën bllokadë që nga e hëna për të ndaluar përhapjen e virusit.
Sipas Komisionit Kombëtar të Shëndetit Kinez (NHC), 109 infeksione u raportuan të dielën, duke përfshirë 93 raste shtëpiake – 54 në Provincën Hebei, 30 në Jilin, shtatë në Heilongjiang dhe dy në Pekin.
Kina, ku rastet e para të virusit u regjistruan në dhjetor 2019, po dëshmon një ringjallje të virusit që nga fillimi i janarit, kryesisht në Hebei.
Bllokada e pesë rajoneve
Autoritetet lokale në provincën verilindore Heilongjiang kanë vendosur një bllokadë në pesë rajonet e tyre, ndërsa provinca Jilin ka vendosur kufizime në dy rajonet e saj, njoftoi e përditshmja kineze Global Times.
Në Kinën veriore, autoritetet e Hebei kanë vendosur një bllokadë në katër rajone të tyre.
Të dhënat e NHC tregojnë se Heilongjiang raportoi 7 raste dhe 81 asimptomatike të dielën, ndërsa Provinca Jilin regjistroi 30 infeksione, përfshirë 17 asimptomatike. /tesheshi.com/
