Nën një lumturi të papërshkrueshme politike, PD e sheh arrestimin e Erjon Veliajt sërish si “një urdhër” të Edi Ramës. Me lehtësinë tipike që ndërton akuza ndaj kundërshtarit politik, po me të njëjtën lehtësi e fantazi njëherësh e ka gjykuar dhe zhvillimin më të fundit në politikën shqiptare.
Arrestimi i Veliajt ndodhi pak orë pas Berisha prezantoi njeriun e PR-it të fushatës së Trump që do punojë për fushatën e PD-së. Është Chris LaCivita, kontratuar nga PD. Dhe sipas mendjeve të atyshme, me Veliajn qëllimi ka qenë, nga Rama pra, që të hiqej nga vëmendja nga amerikani që do e sjellë në pushtet PD-në, siç ëndërrohet në këtë parti.
“Tronditja që shkaktoi ardhja e krahut të djathtë të Presidentit Trump, Chris LaCivita, çoi në urdhrin e menjëhershëm dhe të pashmangshëm të Edi Ramës për arrestimin e Erion Veliajt.
Edi Rama zgjodhi të arrestojë Veliajn pikërisht ditën e sotme, vetëm me qëllimin e sfumimit të lajmit të shumëpritur se Partia Demokratike dhe SHBA ecin përkrah njëra tjetrës, më fuqishëm dhe më të sigurta se kurrë”, shkruan Belind Këlliçi, duke e quajtur spekullueshëm “krah të djathtë të Trump-it” atë që në fakt ka qenë thjesht PR-i i fushatës së tij. /tesheshi.com/
