Lulzim Basha ka zbardhur strategjinë e opozitës në ditët në vazhdim.
“Mozbindje Civile” alla Gandi. Siç lideri i indianëve provokoi bojkotin ndaj mallrave britanikë, Lulzim Basha ka kërkuar që të ndalohet pagesa e dritave dhe ujit në masë.
Kryesia e PD-së, vendosi organizimi i protestave mbarëpopullore kundër Qeverisë, ku më pas si në kohën e çadrës Basha do të dalë me një vendim.
“Vendi qeveriset nga një bandë që grabit, vjedh, plaçkit shqiptarët. Kukësi e tregoi më qartë këtë. Thirrje pa kompleks për mosbindje civile.
Të bllokojmë rruget, thirrje që të mos paguajnë taksat e rritura, taksa e pronës, e Rrugës së Kombit, e ujit, e dritave”, tha Lulzim Basha.
Ndërkaq PD-së do të paraqesë edhe një paketë si zgjidhje politike përmes një oferte të re për qytetarët.
“Këta po veprojnë si në diktaturë. Ne nuk bëhemi më pjesë e këtij teatri. Stabiliteti i krimit në Shqipëri nuk pranohet. Vetëm demokraci”, ka deklaruar Basha.
Ndërkaq, kreu i LSI-së Monika Kryemadhi, deklaroi se partia e saj do të kërkoj përjashtimin e Edi Ramës nga Parlamenti për sjelljen e tij ndaj banorëve të Kukësit.
/tesheshi.com/
