Lideri i opozitës, Lulzim Basha ka pranuar më në fund, të ulet në një dialog të nivelit të lartë me kryeministrin Edi Rama për çështjen e reformës në drejtësi.
Në një komunikim jo direkt por në një vend; përkatësisht në studion e Sokol Ballës në emisionin Top Story në Top Channel, kryemininisti Edi Rama deklaroi se “ftoj pa kushte, madje i lutem Lulzim Bashës që të takohen për reformën në drejtësi. Nëse bëhet një ftesë për dialog, besoj që ftesa duhet të jetë e hapur, pa kushte, pa kufi duke i dhënë të drejtën palës që fton që të ngrejë çështje që konsideron më të rëndësishme. Prandaj ftesa mbetet e hapur, koha vrapon, prandaj nëse duam së bashku të çelim dyert e negociatave për anëtarësim në Bashkimin Europian”.
Ndërkaq Lulzim Basha iu përgjigj Ramës:
“Nëse maxhoranca ka vullnet që të bëjë atë që i kërkon Venecia, atë që i kërkon faktori ndërkombëtar, dialog mes palëve për të zgjidhur këto çështje të fundit që kanë mbetur pa zgjidhur, atëherë janë të mirësepritur në një dialog politik të një format, që ta zgjedhin vetë. Çdo format që kundërshtari të ndjehet komod, me kusht që dialogu të jetë pa kushte”.
/tesheshi.com/
