Lulzim Basha akuzoi ndërkombëtarët se kanë ofruar 35 milionë euro sa ç’është tenderi shtesë për rrugën e Elbasanit, si pazar ndërmjet Edi Ramës dhe Ilir Metës për presidentin e ri.
Nga ana tjetwr, Basha tha se asnjë parti opozitare nuk është regjistruar në zgjedhje, vetëm statelitet e Edi Ramës
“Të gjitha partitë e regjistruara deri më tani në zgjedhje janë pjesë e koalicionit me Edi Ramën, ndërsa ky i fundit është kujdesur të fusë në zgjedhje parti si ato me të cilat pretendonte se bënte zgjedhje edhe Ramiz Alia”, tha Basha.
Por Basha i është rikthyer edhe marrveshjes Rama-Berisha të vitit 2008 duke e rrëzuar atë.
Duke pranuar gabimin e PD-së me ndryshimet kushtetuese të vitit 2008, Lulzim Basha i propozoi Edi Ramës rikthimin në sistemin mazhoritar, kur Shqipëria ishte e ndarë në 100 zona elektorale.
Nga çadra, Basha tha se ky rikthim do të rriste llogaridhënien e deputetëve përballë elektoratit të tyre.
“Kjo është Republika e Re që në projektin e saj kryesor ka transferimin e pushtetit nga partitë te qytetarët.
Sot partitë vendosin kush ju përfaqëson, prandaj ato nuk ju përfaqësojnë se besnikëria e deputetit nuk është ndaj qytetarëve, por ndaj deputetit të parties.
Ky është një gabim i përbashkët, ku PD ka përgjegjësinë e saj për ndryshimet kushtetuese të vitit 2008. Në Republikën e Re ku nuk ka 140 deputetë, nga të cilëve 120 nuk u dëgjohet zëri për asnjë ditë në 4 vjet”. /tesheshi.com/
