Një gjykatë bjelloruse dënoi të enjten dy gazetare nga kanali televiziv Belsat, i cili është pronë e njerëzve nga Polonia, me dy vjet burg secilës, pasi policia i arrestoi ato gjatë një transmetimi të drejtpërdrejtë nga protesta kundër presidentit Alexander Lukashenko.
Kacijarnja Andrejeva, 27 vjeçe, dhe Darija Chulcova, 23 vjeçe, u arrestuan gjatë një bastisjeje në banesën e tyre në nëntor të vitit të kaluar, pasi ato filmuan demonstrata me rastin e vdekjes së një protestuesi, raporton Reuters
Të dy gazetaret u vetëdeklaruan të pafajshme ndaj padisë se ishin ato që “orkestruan demonstratat duke i filmuar ato”.
Si provë materiale, prokuroria paraqiti një kamera, një mikrofon, telefona celularë, flash drives dhe xhaketa për gazetarët.
Më shumë se 33,000 njerëz janë arrestuar gjatë protestave kundër Lukashenkos, pasi protestuesit besojnë se zgjedhjet e 9 gushtit të vitit të kaluar ishin manipuluar, në të cilat presidenti bjellorus fitoi bindshëm.
Agjencitë kujtojnë se Lukashenko ka qenë në pushtet që nga viti 1994 dhe veprimet e policisë kundër protestuesve kanë provokuar forcat perëndimore të vendosin sanksione të reja ndaj Minskut. /tesheshi.com/
