Lojtari i Gallatasarajit në kampionatin turk, e më herët i aktivizuar dhe me Interin, Arsenalin, Këlnin e Bajernin e Mynihut, është tërhequr nga përfaqësuesja e Gjermanisë, për të mos luajtur më me të.
Podolski e lajmëroi fundin e karrierës së tij ndërkombëtare me përfaqësuesen nëpërmjet një postimi në rrjetet sociale.
“Përpara se të nisin përsëri sezoni dhe ndeshjet ndërkombëtare, desha t’ju informoj: ‘I kam thënë trajnerit të ekipit kombëtar se nuk do të luaj më për përfaqësuesen,’” ka shkruar ai.
“Vendimi ka qenë shumë i vështirë. Ekipi kombëtar ka patur gjithmonë një vend në zemrën time. Por unë e ndjeva pas Euro 2016-tës dhe pushimeve se përqendrimi i vëmendjes sime kishte ndryshuar. Kjo është një lamtumirë shumë emocionale për mua,” lexohet në faqen e Podolski-t në rrjetin social.
31-vjeçari debutoi me Gjermaninë më 6 qershor të vitit 2004, gjatë një ndeshjeje miqësore me Hungarinë, të humbur 0-2.
Ai u aktivizua në 129 takime me përfaqësuesen gjermane, e shënoi 48 gola. Podolski qe pjesë e Gjermanisë që fitoi Kupën e Botës dy vite më parë në Brazil. /tesheshi.com/
