Pavarësisht thirrjeve të vazhdueshme të ndërkombëtarëve për krijimin e një stabiliteti mes dy vendeve, Serbia vazhdon të diskriminojë shqiptarët me lloj-lloj mënyrash. Kështu, një ditë para festave të nëntorit, shqiptarët e Luginës së Preshevës nuk janë lejuar nga gjykatat serbe që të valëvisin flamurin kuq e zi.
Festa e Flamurit në të tre komunat e banuara nga shqiptarët vazhdon të ndalohet nga Serbia “demokratike”.
I tillë është rasti i fshatit Geraj, ku këtë vit u vendos që në xhaminë e zonës festimet janë të ndaluara. Në këtë ambjent janë kryer më parë manifestime të tilla.
Hoxha i fshatit, një burrë rreth të shtatëdhjetave, Hafëz Nexhatiu ka treguar se është detyruar që të shmangë një veprim të tillë, pasi ishte gjobitur me 300 euro.
“E kishin vendosur disa djem të rinj. Nuk do ta vendosim më”, thotë hoxha i fshatit.
Serbia duket se e ka kthyer në zakon, mohimin e të drejtave të kosovarëve, për të festuar dhe kujtuar atdhetarët e rënë për çlirimin e vendit.
3 vite më parë, u shënuan tensione mes serbëve dhe shqiptarëve për largimin e një pllake përkujtimore kushtuar pjesëtarëve të rënë të ish-Ushtrisë Çlirimtare të Preshevës, Medvegjës e Bujanocit./tesheshi.com/
