Rreth 44,000 njerëz në Afrikë, 45 përqind e tyre fëmijë, mendohet se janë të zhdukur, sipas Komitetit Ndërkombëtar të Kryqit të Kuq (ICRC).
Raporti i ri shprehet se kufizimet e paraqitura për shkak të përhapjes së sëmundjes COVID-19 krijojnë sfida të reja në gjetjen e tyre.
“Ky numër i rasteve është një “pikë në oqean” në krahasim me numrin e njerëzve të kërkuar nga anëtarët e familjes së tyre,” tha Sophie Marsac, këshilltar rajonal i ICRC për të zhdukurit dhe familjet e tyre në Afrikë.
Siç tha ajo, konfliktet, dhuna, migrimet dhe ndryshimi i klimës nuk e ndaluan ndarjen e familjeve gjatë pandemisë dhe i bënë përpjekjet e tyre për t’i gjetur të zhdukurit më të vështira.
Familjarët, në kërkim të të dashurve
Rreth 82 përqind e të zhdukurve janë në Nigeri, Etiopi, Somali, Libi, Sudanin e Jugut, Republika Demokratike e Kongos dhe Kameruni.
Nigeria, me rreth 23,000 të regjistruar të zhdukur, është vendi me numrin më të madh të njerëzve të kërkuar në kontinent.
Me rastin e Ditës Ndërkombëtare të Personave të Zhdukur, 30 gusht, e cila u shpall nga Kombet e Bashkuara, Marsac theksoi se dita duhet të kujtohet për numrin e madh të familjeve që kërkojnë të dashurit e tyre. /tesheshi.com/
