Jelekverdhët i “vunë zjarrin” sërish Parisit, ashtu si një javë më parë, në protestat e tyre kundër rritjes së çmimit të karburanteve.
Qindra njerëz u mblodhën në fillim të Champs-Elysees, të cilët më pas reaguan në mënyrë dhunshme.
Policia përdori gaz lotsjellës për të shpërndarë turmën, pasi disa nga protestuesit u përpoqën t’i shtynin. Në përleshjet midis policisë dhe demonstruesve, 16 persona u arrestuan.
Një takim i kryeministrit francez Edouard Philippe me një përfaqsi protestuesish nuk kanë dhënë fryt, pasi disa jelekverdhë kanë lënë bisedimet. Ata thanë se po kërcënoheshin dhe kërkuan që bisedat të transmetoheshin drejtpërdrejt në televizion.
Jelekverdhët kërkojnë të zvogëlojë taksat, të krijojë një asamble të qytetarëve, të subvencionohen kompanitë shtetërore për të ndihmuar që të rrisin punësimin, pensionet më të larta dhe një pagë minimale kombëtare më të lartë. /tesheshi.com/
