PAOK-u i Selanikut dhe AEK-u i Athinës u përballën mbrëmë në stadiumin “Panthessaliko” të Volosit në finalen e Kupës së Greqisë.
Një finale e fituar 2-1 nga PAOK-u, që rikthehet ta fitojë këtë trofe pas 14 vitesh; i pesti për të.
Por më shumë se ndeshja, vëmendje mori përplasja e tifozerive jashtë stadiumit, çka solli dhe shtyrjen e ndeshjes me 30 minuta.
Pati më shumë se 40 të plagosur, dy prej të cilëve në gjendje kritike, sipas policisë.
Përplasja mes dy tifozerive nisi kur ato u përballën në një urë këmbësorësh jashtë stadiumit, të pakontrolluar nga policia. Ndërhyrja e forcave të sigurisë më pas e ktheu terrenin rreth stadiumit në një fushë beteje.
Lajmi i mirë qe shmangia e incidenteve pas finales. Policia do t’i nxirrte shpejt tifozët e AEK-ut jashtë stadiumit ndërsa rivalët po festonin. /tesheshi.com/
