Kina ka zbatuar tarifa hakmarrëse deri në 25 për qind mbi importet ushqimore prej 3 miliardë dollarësh nga Shtetet e Bashkuara, duke rritur pasigurinë për mundësinë e një lufte tregtare midis dy vendeve.
Ministria kineze e Tregtisë, tha se do të “pezullonte koncensionet tarifore” mbi 120 produkte ushqimore amerikane. Frutat e freskëta dhe të thata, bajamet, dhe vera do të jenë subjekte të shtimit të tarifës me 15 për qind. Tetë produkte të tjera, përfshirë edhe mishin e ngrirë të derrit, do të tarifohen me 25 për qind më shumë. Tarifat kanë nisur të zbatohen prej diotës së sotme.
Analistët thonë se fakti që tarifat e shtuara kineze nuk mbulojnë disa prej eksporteve më të mëdha amerikane drejt Kinës, si soja, është shenjë se Pekinu kërkon të shmangë një luftë të plotë tregtare. /tesheshi.com/
