Pas një shfaqjeje tjetër nervoze të premten të mbrëmje, ku këkroi që “shqiptarët të marrin në dorë fatin e tyre”, presidenti Meta e ka nisur ditën këtë të shtunë duke i dhënë një dekoratë nderi Organizatës së Veteranëve të LANÇ. Edhe prej një akt kortezial pa lidhje me aktualitetin e nxehtë politik, në dedikimin e presidentit ka patur diç si thumb ndaj bllokut politik të cilit gati i ka hapur “luftë”, kuy bëjnë pjesë qeveria dhe ca “ndërkombëtarë palaço”.
“Kam kënaqësinë të ndaj me ju vendimin tim për të nderuar, në kuadër të 75-vjetorit të Çlirimit të Shqipërisë, Organizatën e Veteranëve të Luftës Antifashiste Nacional-Çlirimtare, me Dekoratën e lartë ‘Nderi i Kombit'”, shkruan Meta dhe më pas vjen fraza ngacmuese:
“Gjaku për Çlirimin e Atdheut nuk mund të bëhet ujë!”, përfundon kreu i shtetit, në një përpjekje për të patur me vete dhe veteranët, në betejën e tij për “sovranitet nga varësia e Ambasadave”.
Kujtojmë se pak para zgjedhjeve lokale të vitit 2015, aherë kur LSI ishte ne koalicion me PS-në, partia e Metës nisi një fushatë për rehabilitimin e lapidarëve të luftës. Ishte tipike një garë e kamufluar me partnerin në koalicion për të shtuar elektoratin në kushte pushteti, edhe me vota veteranësh, një kontigjent elektoral besnik i PS-së. /tesheshi.com/
