Nga Blendi Gashi
Pas dhjetë ditë fushate dhe premtimeve të llojllojshme të partive më shumë se 1.7 milion qytetarë me të drejtë vote nesër do të vendosin për qeverinë e re dhe përbërjen e re të Kuvendit të Kosovës.
Të gjitha partitë gjatë tubimeve me qytetarë kanë shprehur bindjen se do dalin triumfues dhe do formojnë qeverinë e re. Por sigurisht vetëm njëra prej tyre do marrë shumicën e votave.
Në tre parë zgjedhjet e kaluara parlamentare ato të vitit 2007, 2010 dhe 2014 gara është zhvilluar mes dy partive më të mëdha PDK dhe LDK.
Por edhe pse kanë siguruar pushtetin partitë në fjalë ato kanë pasur ngritje e rënie të përqindjeve të votave të fituara.
Dhe padyshim se edhe në zgjedhjet e 11 qershorit pritet të ketë ndryshime në përqindje ku pritet se Vetëvendosje të shënojë rritje të votave me mundësi të mëdha të rrëmbejë vendin e dytë edhe pse ky subjekt shprehet i bindur se do dalin të parët dhe do rrëzojnë nga pushteti pas 18 vitesh PDK-LDK-në
Por ja ngritjet dhe rëniet e partive në zgjedhet parlamentare të 2007, 2010 dhe 2014:
Rezultatet e vitit 2007
Në zgjedhjet parlamentare të 2007-tës kur për herë të parë erdhi në pushtet si e vetme PDK, kjo parti fitojë 34.3 % të votave të qytetarëve apo shprehur në vota gjithësejt 196 mijë e 207 vota dhe sigurojë 37 deputet.
LDK e cila u rrëzua nga pushteti doli e dyta me 22.6 për qind apo 129 mijë e 410 vota dhe sigurojë 25 deputet
AKR-ja e Pacollit fitojë 9.6% apo shprehur në vota 70 mijë e 165 dhe sigurojë 13 deputet.
LDD e Nexhat Dacit në koalicion me PSHDK-në fitojë 10 % ose 57 mijë e 2 vota, dhe sigurojë 11 deputet
AAK-ja e Ramushit fitojë 9.6 % apo 54 mijë e 611 vota, dhe sigurojë 10 deputet.
Rezultatet e vitit 2010
PDK-ja edhe këtë vit fitojë zgjedhjet parlamentare ku fitojë 32.11 % të votave apo gjithësejt 224 mijë e 339 vota. Kjo parti në këtë mandate ka pasur 34 vende në Parlament.
LDK-ja sërish doli e dyta me 24.69 % apo 172,552 vota, dhe sigurojë 27 deputet.
Vetëvendosje e cila për herë të parë garojë në zgjedhje doli e treta me 12.69 % apo gjithësejt 88 mijë e 652 apo 12.69 %, sigurojë 14 deputet.
AAK-ja fitojë 11.04 % apo shprehur në vota 77 mijë e 130 vota, dhe sigurojë 12 deputet
Koalicioni AKR-PD-PSD-PPI-PPK-PNDSH-PGJK fitojë 7.29 % apo 50,951 dhe u përfaqësua me 8 deputet.
Rezultatet e vitit 2014
PDK doli fituese për herë të tretë me radhë por për dallim nga zgjedhjet e 2010-tës mori vota më pak. Së bashku me disa parti që lidhi koalicione PDK-ja fitojë 30.38 % apo shprehur në vota 222 mijë e 181 dhe fitojë 37 vende në Kuvend.
LDK-ja në këto zgjedhje në krye me Isa Mustafën rriti numrin e votave në krahasim me zgjedhjet e 2010-tës, duke marrë 25.24% të votave apo gjithësejt 184 mijë e 594 vota. Kjo parti fitojë 3 deputet më shumë duke arritur në 30 numrin e deputetëve.
Vetëvendosje poashtu shënoi rritje duke marrë në këto zgjedhje 13.59 % apo 99 mijë e 398 vota dhe sigurojë 16 deputet.
AAK-ja ndërsa pësoi rënie të votave, pasi mori 5.54 % apo vetëm 69 mijë e 793 vota dhe sigurojë 11 deputet.
NISMA e Fatmir Limajt e cila garojë e ndarë nga PDK arriti të kalojë pragun duke marrë 5.15 % apo 37 mijë e 680 vota dhe sigurojë 6 deputet.
Kurse AKR-ja e Pacollit nuk arriti të kalojë pragun pasi mori vetëm 4.67 % apo 34 mijë e 170 vota. /tesheshi.com/
