Sot është dita e 39-të e agresionit rus kundër Ukrainës.
Forcat ukrainase rifituan dje kontrollin e të gjithë rajonit të Kievit. Në një deklaratë të publikuar në rrjetet sociale, Hanna Maliar tha: “Irpin, Bucha, Gostomel dhe i gjithë rajoni i Kievit janë çliruar nga pushtuesit”. Të dy qytetet pësuan shkatërrime të mëdha dhe një numër të madh viktimash civile.
Kryebashkiaku i Bucha-s tha se 280 persona janë varrosur në një varr masiv në qytet.
Të paktën 200 njerëz janë vrarë në Irpin, një periferi e Kievit, që kur Rusia sulmoi Ukrainën në fund të shkurtit, ndërsa Gostomel, afër Kievit, ka qenë vendi i luftimeve të ashpra për të marrë kontrollin e aeroportit atje.
Përveç krimeve të tmerrshme të kryera, rusët lanë pas shumë automjete luftarake të braktisura dhe të shkatërruara dhe një numër të madh ushtarësh të vdekur.
Video of abandoned or destroyed Russian VDV BMD-2 and BTR-D vehicles in Donetsk.
https://t.co/3FbVXNUva3 pic.twitter.com/H73RaCtPlb— Rob Lee (@RALee85) April 2, 2022
Ukrainasit pretendojnë se deri më tani kanë humbur jetën 17.500 ushtarë rusë. Më 25 mars Moska pranoi se pas një muaji luftime humbi 1351 ushtarë dhe plagosi 3825. Megjithatë, duke gjykuar nga numri i mjeteve luftarake të shkatërruara, rusët pësuan humbje të mëdha.
NATO vlerëson se midis 150,000 dhe 200,000 trupa ruse janë të stacionuara në Ukrainë, dhe 30,000 deri në 40,000 janë jashtë linjës – të vrarë, të plagosur ose të kapur.
Ndërkohë, është publikuar një video e rrallë ku luftëtarët çeçenë të Ramzan Kadyrovit tërheqin me litar një bashkëluftëtar të plagosur në Mariupol. /tesheshi.com/
https://twitter.com/i/status/1510269495973195778
