E ndërsa presidenti Trump fajësoi sëmundjet mendore si shkak i dy tragjedive me të shtëna në Teksas dhe Ohio, me pasojë dhjetra jetë të humbura të pafajshmësh, Joseph Biden, kandidati më i mundshëm i demokratëve për zgjedhjet e vitit 2020, thotë se ishte retorika e Trump që nxiti dy sulmet e fundit ardhur njëra pas tjetrës.
“Kjo ka vazhduar me vite dhe ne duhet ta ndalojmë atë”, u tha Trump gazetarëve në Neë Jersey.
“Duket sikur duhet të bëjmë më shumë,” vuri në dukje ai, duke shtuar se “ky është gjithashtu një problem i shkaktuar nga sëmundja mendore”.
Por Biden mendon ndryshe. “Fakti është se nacionalizmi i bardhë, supremacizmi i bardhë dhe ideologjitë e tjera ekstreme janë gjithnjë e më popullore dhe po pranohen në Shtetet e Bashkuara”, tha ish-nr.2 i Shtëpisë së Bardhë në Presidencën “Obama”.
Ai shtoi se “përshkallëzimi i dhunës që kemi parë nuk ka ndodhur për shkak të marrëzisë, por për shkak të urrejtjes së pastër, së cilës duhet t’i bëjmë ballë”.
Biden ka dënuar disa nga deklaratat e diskutueshme të Trump me këtë rast, duke thënë: “Kur lëshoni urrejtje nga Zyra Ovale, ju provokoni ekstremizmin në të gjithë vendin”. /tesheshi.com/
