Presidenti rus Vladimir Putin evokon mundësinë e përdorimit të armëve nukleare kundër ISIS. Raketat Kalibr A-101 ‘mund të jenë të armatosura si me mbushje konvencionale, edhe me ato nukleare’,- ka thënë Putin duke diskutuar për operacionin ushtarak në Siri, bashkë me ministrin e Mbrojtjes ruse, Serghiei Shoigu. “Besoj se asnjë nga këto nuk do të jetë e nevojshme në luftën ndaj terroristëve dhe shpresoj të mos jetë kurrë e nevojshme t’i përdorim këto mjete”,- shton ai.
Ndërkaq Rusia ka nisur një sulm kundër objektivave të Isis në Siri, duke përdorur për herë të parë një nëndetëse të dislokuar në Mesdhe.
“Raketat cruise 3M-54 Kalibr janë lëshuar nga nëndetësja “Rostov-on-Don”, – ka bërë me dije ministri i mbrojtjes rus. Në nëntor, të raketa të ngjashme janë lëshuar nga anije të tjera ruse në Mesdhe dhe në detin Kaspik./tesheshi.com/
