Me qindra ushtarë brazilianë hyrë në një lagje të varfër në veri të Rio de Janeiro-s, për t’u përballur më bandat e drogës.
Së paku tetë vetë u vranë në aksioni ushtarak, ku sipas ushtrisë, më shumë se gjysmë milioni njerëz jetojnë në zonën e operacionit.
“Operacionet po vazhdojnë dhe mund të kenë edhe më të vdekur”, i tha Reuters-it një zyrtar ushtarak.
Shumë vendas nuk u larguan nga shtëpitë e tyre, sepse kishin frikë se do të qëlloheshin nëse iknin, sipas faqes së internetit të televizionit brazilian Globo TV.
Ushtria thotë se qëllimi i operacioneve të përbashkëta ushtarake dhe policore është çrrënjosja e trafikantëve të drogës dhe për këtë u angazhuan 4.200 ushtarë dhe 70 policë të pajisuar me mjete të blinduara dhe avionë.
Gjashtë muaj më parë, presidenti brazilian Michel Temer ndërmorri masa të jashtëzakonshme që autorizonin ushtrinë të merrte komandën e forcave të policisë në shtetin e Rio de Janeiro, ku luftërat midis bandave të Narco-ve shkaktuan një rritje të madhe të dhunës.
Pothuajse 64,000 njerëz u vranë në Brazil në 2017, një rekord dhune që u bë një çështje kyçe përpara zgjedhjeve presidenciale të tetorit.
Kandidatët, në të gjithë spektrin politik, përpiqen të portretizojnë veten si luftëtarë kundër krimit në mënyrë që të fitojnë votuesit. /tesheshi.com/
