Lufta e Statujave në Shtetet e Bashkuara të Amerikës ka prekur edhe zbuluesin e Kontinentit Kristofor Kolombi. Thuajse në të gjithë territorin e SHBA, ose po vandalizojnë ose kanë vendosur të largojnë bustet e zbuluesit gjenovez që u financua nga Mbreti i Spanjës për të ndërmarrë ekspeditën në Amerikën Latine.
Pikërisht festa kombëtare e SHBA, “Colombus Day” është zëvendësuar me “indigenous native day”, pra me festën e përkujtimit të indianëve vendas, të cilët përjetuan një genocid nga konkuistatorët që pushtuan Amerikën, duke nisur nga pasardhësit e elitës që zotëron sot SHBA.
Në Huston të Texasit, statuja e Kolombit është lyer me ngjyrë të kuqe që të kujton gjakun, ndërsa në Detroid i është hequr koka.
Portesta kundër eksploratorit gjenovez janë zhvilluar edhe në Baltimorë(Matyland), Lacaster(Pensilvanya), Columbus(Ohio), San Jose(California).
Në Nju Jork, kryebashkiaku, Bill de Blasio, e ka vendosur shtatoren e Kolombit, në listën e monumenteve që duhet të shkatërrohen.
Sipas de Blasio-s, “Kolombi është një figurë diskriminuese, pasi ngjall ndarjen dhe racizmin, ndaj do të ishte më mirë që figura të tilla që nuk kanë konsensus në popull të hiqen njëherë e mirë”.
Statuja e Kolombit në Nju Jork ndodhet në Central Park dhe është 21 metra e lartë. Ajo u vendos nga bashkia në vitin 1892 me rastin e 400 vjetorit të zbulimit të Amerikës.
Ndërkaq, në Yonkers, një minibashki e Nju Jorkut në rrjedhën perëndimore të lumit Hudson, është rrëzuar një bust prej allçiu i Kristofor Kolombit, nga disa njerëz të panjohur.
Ka një lëvizje aktualisht në SHBA që siç po kërkojnë të largojnë nga piedestalet figurat e Luftës Civile Amerikane, ashtu po kërkojnë që të heqin persona apo figura që ndjellin ndarje dhe flasim për supremaci.
Dje është hequr Columbos Day që festohet prej vitit 1937. Chrissie Castro, zv.presidente e komisionit të Amerikanëve autokton të Los Angelos, deklaroi se “duhet të hiqet menjëherë përkujtimi i një genocidi, madje kur sponsorizohet edhe nga shteti. Është budallallëk por edhe një mesazh i gabuar për fëmijët tanë”.
Por kjo ka provokuar indinjimin e Italisë, e cila e konsideron lundërtarin gjenovez si një pjesëtar i trashëgimisë kulturore të njerëzimit.
Ministria e Jashtme e Italisë, ka lëshuar një deklaratë ku thekson se “Kiristofor Kolombi përfaqëson në të gjithë botën, jo vetëm në SHBA, një symbol themelor të historisë dhe sukseseve italiane. Zbulimi i Amerikës është edhe sot një nga thesaret e njerëzimit, edhe pse ka debate mbi aspekte të pushtimit që ndodhi më pas. Zbulimi i Amerikës është një eveniment mjaft i rëndësishëm i historisë botërore.
Nëpërmjet rrjetit të konsullatave në SHBA, ministrja e Jashtme italiane po ndjek me kujdes debatin për Columbus Day. Dimë që kjo festë është edhe pjesë e riteve festimeve të italianëve në SHBA. Në disa bashki si Los Angeles, Seattle, Denver dhe Albuquerque , duan ta heqin. Por kjo duket edhe si një ofendim i ndjenjave të bashkëatdhetarëve tanë”.
Në disa qytete të SHBA italianët kanë nisur protesta kundër fushatës anti-Kolombi. Ata e konsiderojnë marinarin nga Gjenova si një ëndrrimtar që zbuloi Amerikën, që i dha njerëzimit një impuls të ri.
Italianët i bënë thirrje kreut të bashkisë së Nju Jorkut, që atij nuk i takon që ta bëjë këtë veprim, pasi vetë është me origjinë italiane.
Dhe në fakt, kryebashkiaku aktual i qytetit më të madh amerikan lindi me emrin Ëarren Ëilhelm Jr, por më pas zgjodhi mbiemrin e gjyshit, Giovanni De Blasio, një italian nga zona e Napolit që emigroi në Shtetet e Bashkuara të Amerikës, vetëm një shekull më parë. /tesheshi.com/
