Krimet kibernetike, ndërhyrje në zgjedhje, vjedhje bankash, apo manipulim të dhënash online… Janë krime që do të parandalohen së shpejti përmes një taskë-force, po ashtu kibernetike, që do t’i luftojë me vetëm një tastierë dhe një maus, pa patur nevojën e përdorimit të armëve dhe gjakderdhjeve.
Një betejë e tillë do të hapet nga Franca, e cila ka njoftuar se po punon intesivisht për të stërvitur “ushtrinë” e re.
“Në komandën e operacioneve kibernetike që do të formohet e lidhur me Shtabin e Përgjithshëm do të hyjë në veprim që nga muaji janar. Do të jenë të punësuar rreth 2.600 “luftëtarë kibernetikë”, u shpreh ministri francez i Mbrojtjes, Jean-Yves Le Drian.
Sipas tij, njësitë e reja po ngrihen për t’iu kundërpërgjigjur sulmeve kibernetike dhe për të parandaluar sulmet e krimet dixhitale në shtetin francez./tesheshi.com/
