Beteja elektorale e dy partive të mëdha në këto zgjedhje si rrallëherë është drejtuar për nga ish-aleati i tyre LSI, parti e cila ishte në qeverisje me PD-në e më pas me PS-në.
Por sulmet e PS-së ndaj LSI-së duket se janë në fillimet e saj, pasi pritet të zbulohen raste korrupsioni të ministrave të kësaj partie në këtë qeveri.
Akuza e fortë ka ardhur nga Saimir Tahiri në drejtim të Sokol Dervishaj, ministër i Trasporteve.
“Ndroq, mendoja ishte barcalete, por qenka e vërtetë. Rruga e Kërcukjes është paguar prej vitesh nga Ministria Transporteve, e sot nuk ka asnjë metër asfalt. Asnjë meter! Lekët janë zhdukur me sukses, hetimet jane mbyllur me po aq sukses”- shkruan Tahiri në facebook duke bërë një nga akuzat më të forta ndaj aleatit në qeveri.
Më parë ishte deputeti socialist Erjon Braçe që e sulmoi Dervishajn duke u shprehur se ai është djalë i mirë, por punon.
Për ta konkretizuar, deputeti socialist ka postuar një foto nga rruga e shkatërruar pranë mbikalimit të Plepave ne autostradën e jugut Plepa- Rrogozhinë.
‘Është një frenë e madhe, e fortë, nëse nuk do të hash kokën’, thotë Braçe./tesheshi.com/
