Kreu i diplomacisë turke, Mevlut Çavushoglu tha për gazetën Hürriyet se Rusia dhe Ukraina po i afrohen një marrëveshjeje për çështje “kritike” dhe pothuajse kanë rënë dakord për disa çështje.
“Ka konvergim në qëndrimet e dy palëve për çështje të rëndësishme dhe kritike. Në veçanti, ne shohim se ata pothuajse janë dakord për katër pikat e para. Disa çështje duhet të zgjidhen në nivel drejtues”, tha ai.
Çavoushoglu tha gjithashtu se shpresonte se do të shpallej një armëpushim nëse palët nuk tërhiqen nga përparimi që kishin bërë në arritjen e një marrëveshjeje.
“Nëse palët nuk tërhiqen nga qëndrimet e tyre aktuale, mund të themi se jemi optimistë për një armëpushim. Ka kanale të hapura ndërmjet liderëve. Kjo tani dihet,” tha ai.
Lidhur me mundësinë e një takimi mes Putinit dhe Zelensky-t, Çavusoglu tha: “Nëse arrihet paqja, nëse ka një marrëveshje, ata patjetër do të takohen. Ata nuk e përjashtojnë këtë mundësi, nuk kanë qëndrim negativ”.
Turqia është angazhuar me rol ndërmjetësues për arritjen e paqes në konfiktin ruso-ukrainas. Ndaj, kryediplomati i saj është i vetmi që ka vizituar Moskën këto javë, duke u takuar e biseduar me homologun rus. /tesheshi.com/
