Eshtë bërë më evidente një çarje brenda radhëve të PD-së brendaparlamentare, ku si shkak e si shënjestër është ajo, Rudina Hajdari.
Deputeti Korab Lita, njeriu që vjen si ish-numri dy i Bashkisë sëKamzës, tha se znj. Hajdari vetë ka dhënë dorëheqje nga kryesimi i grupit. “Pas kësaj për zgjedhjen e kreut të ri iu drejtuam kuvendit. Hajdari ka qenë në mbledhje dhe ka dhënë dorëheqjen”, tha Lita në një konferencë për shtyp, i cili është në krye të një lëvizjeje për t’ja marrë Hajdarit drejtimin e grupit.
Ndërsa Halit Valteri ka thënë se gjithçka do sqarohet në seancën e së enjtes.
Ky zhvillim brenda kampit të opozitarëve të rinj, vjen fill pas protagonizmit të fortë të znj.Hajdari në raport me reformën zgjedhore. PD-ja jashtë parlamentare nga ana e saj, kërkon me ngulm që vetëm ajo të njihet si oopozitë e askush tjetër. Këtë e ka dhe si kusht për pjesëmarrjen në tryezën e reformës zgjedhore. /tesheshi.com/
