Rrugët e Tiranës, që është dhe epiqendra e më shumë të prekurve nga koronaviorusi deri më tani, u pushtuan këtë të premte nga automjete të ushtrisë. Qëllimi: për të diktuar edhe ushtarakisht ngujimin në shtëpi, pasi shumë individë, që sipas Ramës janë tradhëtarë, dalin në rrugë e ambiente publike duke përbërë rrezik potencial marrje apo përecjellje infeksioni.
“Ushtria do të vihet e gjitha në mbrojtje të popullit nga një pakicë fare e vogël individësh të papërgjegjshëm, tradhëtarë të vërtetë, që mund të na bëjnë hatanë dhe nuk duhet të lejohen në asnjë mënyrë, të marrin në qafë mijëra e mijëra të pafajshëm, e t’u sjellin vuajtje të mëdha dhjetëra mijëra të tjerëve”, shkroi Rama.
“Duhet t’i ndalim me çdo kusht dhe do të përdorim çdo mjet, deri në heqjen e plotë të lirisë nëse nuk do të tërhiqen urgjentisht nga rruga e tyre qorre. Populli nuk i’a ka borxh asnjë individi tradhëtinë në këtë përpjekje kombëtare për jetën e njeriut”, është mesazhi paralajmëruar i shefit të qeverisë, tashmë që duhet të veprojë dhe ushtria. /tesheshi.com/
https://www.facebook.com/edirama.al/videos/2991391717579650/?t=1
