I ftuar në News 24 për të dhënë opinionon e tij në lidhje me BunkArt 2, Fatos Lubonja e ka zhvlerësuar tërësisht muzeun e Skënderbeut në Krujë duke e quajtur atë një “fabrikim të historisë në funksion të një miti”.
Po ashtu, Lubonja tha se dhe Muzeu Kombëtar duhet rishikuar tërësisht, pasi është i trashëguar nga historiografia komuniste me plot manipulime. Ai solli si shembull faktin që në këtë muze nuk ka asnjë pavion që t’i dedikohet periudhës osmane. “Keni parë ndonjë pavion ku të shkruhet ‘periudha osmane’”, pyeti Lubonja në mënyrë retorike.
Sa për BunkArt-in e ri tek oborri i Ministrisë së Rendit, Lubonja tha se është një ekspozitë dhe jo një muze, ku siç theksoi është tentuar që brenda një gjeje të vogël të futen gjëra të mëdha. /tesheshi.com/
