Ish-ambasadori i Shqipërisë në Francë, Luan Rama, ka deklaruar se Shqipëria rrezikohet nga “Islami Politik”.
Duke folur në një intervistë për gazetën “Dita” për ngjarjet e Parisit, Rama thekson ndër të tjera se në Shqipëri në fillimin e viteve 90-të erdhën llojlloj fondacionesh të dyshimta nga Lindja e Mesme që kishin brenda tyre elementë me problem dhe të listuar nga shërbimet sekrete perëndimore.
Sipas ish-ambasadorit Luan Rama, kohët e fundit në Shqipëri po shikohet tendenca e një “Islami Politik” dhe thekson ai ka gjasa të krijohet një parti politike me shtrat religjoz që sipas tij do të ndikojë negativisht.
Në gjithë trajesat e tij, ish-ambasadori Rama nuk përmend asnjë emër konkret shoqate, fondacioni apo partie, por mjaftohet vetëm duke dhënë konsiderata negative. /tesheshi.com/
