Lu-Vllahutin, reagim pa nervozitet ndaj pezullimit të vetting-ut

Reagimi i dy autoriteteve ndërkombëtare pas pezullimit të ligjit të vetting-ut nga ana e Gjykatës Kushtetuese, Uashingtonit dhe Brukselit, ka qenë i matur dhe jo dhe aq politik. Si ambasada amerikane e si Zyra e BE-së në Tiranë, thanë se e respektojnë autoritetin e saj e shtojnë gjithashtu se presin që Kushtetuesja t’ia referojë këtë ligj sa më shpejt Komisionit të Venecias.

“Shtetet e Bashkuara dhe Bashkimi Europian respektojnë autoritetin e Gjykatës Kushtetuese për të shqyrtuar Ligjin e “Vetting”-ut dhe pezulluar zbatimin e tij. Gjykata Kushtetuese ka thënë se do t’ia referojë ligjin Komisionit të Venecias. Nxisim që ky referim të ndodhë sa më shpejt që të jetë e mundur për të parandaluar vonesa. Shtetet e Bashkuara dhe Bashkimi Europian mbeten të përkushtuar ndaj zbatimit të plotë të reformës së gjyqësorit”, thuhet në deklaratën e Ambasadës Amerikane dhe BE-së, ose ndryshe dyshes Lu – Vllahutin. /tesheshi.com/