Ambasadori i Shteteve të Bashkuara të Amerikës në Tiranë Donald Lu, ka deklaruar se takimi i kryeministrit Edi Rama me presidentin e SHBA-së, Barack Obama do t’i japë një shtysë të madhe reformës në drejtësi.
Në një njoftim në rrjetin social facebook, ambasadori Lu shkruan se vizita është një konfirmim i miqësisë midis dy shteteve.
“Jam i lumtur që Presidenti Barack Obama do të takohet me Kryeministrin Edi Rama në Uashington sot. Në frymën e 25-vjetorit të rivendosjes së marrëdhënieve diplomatike, dhe pas vizitës shumë të suksesshme të Sekretarit Kerry në Tiranë, kjo vizitë paraqet një tjetër mundësi për të shprehur vlerësimin për të gjithë shqiptarët për miqësinë e fortë dhe bashkëpunimin e palëkundur midis qeverive tona dhe popujve tanë në lidhje me një gamë të gjerë çështjesh të rëndësishme, të tilla si kundërvënia ndaj ekstremizmit të dhunshëm, koalicioni kundër ISIS dhe reforma historike në drejtësi.”, shkruan Lu në faqen zyrtare të ambasadës së SHBA-së në rrjetin social Facebook.
/tesheshi.com/
