Pas një situate ftohtësie të gjatë, Donald Lu është rikthyer në zyrën e doktor Berishën në kullën COIN. Ambasadori amerikan ka zhvilluar takimin e parë me ish-kryeministrin që e sulmoi dy javë më parë në televizion.
Takimi është zhvilluar sot paradite dhe zëdhënësja e Berishës, Erla Mëhilli jep një njoftim fare të shkurtër.
“Sot ish kryeministri Berisha priti në një takim në zyrën e tij ambasadorin amerikan, zotin Donald Lu. Në takim u diskutua për një spektër të gjerë çështjesh me interes të dyanshëm. Diskutimet ishin të hapura”(!)
Pra bëhet fjalë për një takim të mistershëm dhe pa asnjë detaj që jepet nga palët që kanë qenë. Ambasada Amerikane nuk ka dhënë asnjë informacion, kurse zyra e Berishës ka folur pak. Madje as foto nga takimi i sotëm nuk është dhënë. Vetëm një fotot e arkivit që flet shumë. Ka buzëqeshje të ngrirë nga palët por jo ngrohtësi. Fotoja flet vetë, e misteri rrethon gjithçka.
Dy ditë më parë Donald Lu takoi edhe Lulzim Bashën. Menjëherë pas këtij takimi ndodhi arrestimi i kreut të Bashkisë së Lezhës. Po përgatitet dicka tjetër? Një arrestim i madh? /tesheshi.com/
