LSI ka shfaqur rezerva ndaj ambasadorit Lu dhe përmendjes prej tij të katër emrave të ardhur nga bota e krimit, e të cilët u përfshin në politikë.
Në fakt, ishte hera e parë që kreu i diplomacisë amerikane në Tiranë, nuk e përmendi Balilin, ish-drejtorin e LSI-së i cili është në kërkim ndërkombëtar me akuzën për trafik droge, megjithatë nga kjo parti janë shfaqur pakënaqsi ndaj Lu-së. Luan Rama, nr.3 i LSI-së, e ka parë ndryshe fjalën e ambasadorit.
“Ambasadori i Shteteve të Bashkuara të Amerikës në Tiranë Donald Lu, duke folur sot në prezantimin e projektit ‘Forca e ligjit’ në Ministrinë e Brendshme, përmendi edhe katër emra si shembullin e lidhjes së politikës me krimin!
Mirëpo ai përmendi vetëm katër nga emrat e ushtarëve të krimit, jo të shefit të tyre, të atij që i mori emrat e krimit dhe i bëri emra politikë!
Kush nuk e di që pas atyre emrave që përmendi ambasadori i nderuar nuk është kumbar kryeministri ynë?!…”, u shpreh Rama i LSI-së. /tesheshi.com/
