Ambasadori Amerikan në Tiranë, Donald Lu, pasi ka përkthyer dhe publikuar draftin e Komisionit të Venecias për Reformën në Drejtësi, ka marrë rrugën për tek një grataçelë në Tiranë dhe ka takuar ish-Kryeministrin Sali berisha.
Ambasadori Lu, takoi Berishën një ditë pasi e bëri këtë me Lulzim Bashën, kryetarin e Partisë Demokratike.
Berishës, zoti Lu i ka dorëzuar draftin i Venecias.Ambasadori Lu shoqërohej edhe me shefin e OPDAT, Jon Simbert, i cili është dhe anëtar i Komisionit të Ekspertëve të Nivelit të Lartë që përgatitën draftin e reformës në drejtësi.
Siç njofton zyra e Berishës, ish-kryeministri citohet të ketë deklaruar se “dokumenti i Komisionit të Venecias përbën një bazë parimore, solide, të shëndoshë për të ecur përpara dhe për të kompletuar reformën në drejtësi”.
Siç thekson njoftimi: “Berisha, shprehu mendimin se është me shumë rëndësi që të fillohet, pa humbur kohë, me krijimin, sipas rekomandimeve të Venecias, të njësisë antikorrupsion, pasi Komisioni Venecias ka folur qartë se kjo njësi nuk mund të ndërtohet siç dëshironte Edi Rama, por sipas parimeve të hetimit të pavarur.
Në takim duke folur për situatën në Parlament, Berisha është shprehur se, nëse disa muaj më parë kishte shprehur mundësinë e dorëzimit të mandatit, kjo ishte një mundësi hipotetike, por në kushtet e krijuara, me sjelljen nga Rama të Prengës në Parlament, ai e gjen shumë të vështirë pranimin e një Parlamenti të tillë, të përgjakur”.
/tesheshi.com/
