Të tjera mesazhe të forta nga ambasadori Lu. I pranishëm në prezantimin e planit të veprimit anti-krim në policinë e shtetit quajtur “Forca e Ligjit”, i cili do të asistohet dhe nga ekspertë të FBI-së, Lu, me anë të disa thënieve popullore, ka arritur që t’i thotë sa më qartë ca gjëra dhe aspak të fheshura nën ligjërimin e sofistikuar diplomatik.
Teksa përmendi ardhjen e ekspertëve të FBI-së, Lu tha se në Amerikë ekziston thënia “Dreka falas nuk ekziston”. Ai e komentoi duke thënë se gjersa ndërkombëtarët investohen me burime njerëzore, atëherë kjo duhet shoqëruar me rezultate konkrete.
“Në presim kapjen e peshqve të mëdhenj në fillim të vitit të ardhshëm”, e tha troç e sigurisht shqip, përfaqsuesi i Uashingtonit në Tiranë. “Partnerët e presin, populli shqiptar e pret”, theksoi Lu.
Ai tha se krimi i organizuar në Shqipëri është kthyer në një problem serioz që rrezikon dhe sigurinë kombëtare, duke theksuar njëherësh se “organet e drejtësisë kanë dështuar” karshi tij.
Më pas, ai ceku temën e preferuar, atë të lidhjeve të politikës me krimin, duke përmendur sërish si shembuj, Arben Ndokën, Mark Frrokun e Elvis Rroshin, por që tha se fenomeni nuk kishte lidhje me një parti, pasi ishte i përhapur që pas viteve ‘90.
Duke e mbyllur, Lu përmendi një tjetër thënie populli, “peshku e madh e ha të voglin”, e më pas i mëshoi fort një thirrjeje të tij që kësaj here “të hahet peshku i madh”. /tesheshi.com/
