Një zhvillim i papritur ndodhi në kuadër të takimit shumëpalësh të përcaktuar për orën 16.00 mes Edi Ramës, Ilir Metës, Lulzim Bashës dhe ambasadorëve të SHBA-së dhe BE-së për reformën në drejtësi.
Në një deklaratë të minutës së fundit Lu dhe Vllahutin deklaruan se nuk do të marrim pjesë në takimin e pasdites nëse Lulzim Basha nuk deklaron se do të disutohet për propozimin hybrid të zyrtares së lartë të DASH, Victoria Nuland.
Deklarata e ambasadorëve
“Ambasadorët Vlahutin dhe Lu informuan Kryetarin e Kuvendit z. Meta se pas deklaratës së z. Basha, ambasadorët nuk e kanë të mundur të marrin pjesë në negociatat e parashikuara për 18 korrik.
Z. Basha foli për një qeveri teknike dhe nuk e përmendi propozimin hibrid që ai diskutoi me Ambasadoren Nuland më 10 korrik.
Nëse z. Basha e rideklaron angazhimin e tij të mëparshëm për të negociuar ekskluzivisht mbi bazën e propozimit hibrid, vetëm atëherë ambasadorët do t’u bashkohen këtyre diskutimeve”.
/tesheshi.com/
