LSI e ka shpjegur votën e saj pro buxhetit 2016 duke thënë se e votoi atë për hir të qëndrueshmërisë politike.
Deklarata u bë nga kreu i grupit parlamentar të kësaj partie, Petrit Vasili.
Ky deklarim i tij lë të nënkuptuar se ka ekzistuar dhe varianti i mosmbështetjes me votë nga ana e LSI-së për aleatin qeveritar, gjë që mund të çonte deri në ndarje mes tyre, një klimë që po ndihet gjithë këto muaj.
Vasili sqaroi gjithashtu dhe votën për hetimin ndërkombëtar të ÇEZ-it i cili u rrëzua, kur tha se “në mungesë të konsensusit të gjerë për ndryshimet kushtetuese që do të mundësonin një hetim të tillë, LSI vendosi të mos e orientonte votën e saj në Parlament.
Pra sipas tij, gjithçka ka qenë në vullnetin e lirë të deputetëve.
/tesheshi.com/
