Në datën 6 nëntor, Lëvizja Socialiste për Integrim do zgjedhë kryetarin e ri të saj. Kështu është vendosur në mbledhjen e kryesisë së kësaj partie.
“Kryesia vendosi që data 30 shtator 2016 të jetë afati i fundit i regjistrimit të kandidaturave për kryetar të LSI-së”, tha Sekretari i Përgjithshëm, Luan Rama në një konferencë për shtyp. Por a do të jetë sërish Ilir Meta? Rama tha se “kryetari aktual, Ilir Meta konfirmoi kandidaturën për kryetar”, ndërkohë që kandidaturën për këtë post e shpalli dhe anëtari i kryesisë, profesor Shezai Rrokaj, sipas asaj çka informoi sekretari Rama.
Edhe pse Meta ka promovuar nivel të lartë demokracie në parti, sidomos në procese zgjedhore, ku ka zgjedhur të ketë përballë sa më shumë rivalë, të qënit kryetar as që është diskutuar ndonjëherë.
Në zgjedhjet e fundit, përballë tij për kreun e partisë konkuroi Luan Rama, por që siç dhe pritej humbi. /tesheshi.com/
