LSI e ka “kthyer” në Shqipëri Blendi Kajsin, njerin që prej vitesh i ka “kthyer shpinën” vendin të tij.
Po pse vallë?
Që prej botimit të raportit të Freedom House për nivelin e demokracisë në Shqipëri, LSI nuk ka paqe.
Pas reagimit nervoz të Presidencës, e cila u irritua shumë me cilësimin e Ilir Metës si “faktor korruptiv”, sot njerëz së partisë së familjes Meta kanë “gjetur” edhe njeriun që sipas tyre është hartuesi i raportit të fortë.
Blendi Kajsiu, ish-përfaqësuesi i liberalëve është shënjestruar egërsisht nga njerëz të LSI-së.
Dritan Kaba, këshilltar i grupit parlamentar të LSI-së dhe një nga njerëzit kryesor të komunikimit me publikun, në disa pastime të tij sulmon fort ish-këshilltarin e Sali Berishës.
“E dija qe raportin e Freedom House e benin “pjeshkat”. Por na doli raport kajsish. Eh, ç’vete! Po ke ata qe mbajne ere te tjeret ngeli!”, shkruan Kaba, i cili merr mjaft feedback nga njerëz që duket janë prekur nga raporti i Freedom House.
Por nuk mjafton me kaq. Kryetari i grupit parlamentar të LSI-së, Petrit Vasili e cilëson Blendi Kajsiun si bos droge.
“Kjo organizatë para se të lexojë portalet e qeverisë para se autorët e saj si Blendi Kajsiu nën hijen e jeshillëkut të drogës në Kolumbi, të prodhojnë raporte të tilla të rreme, po ju kujtoj atyre që nuk e lexuan raportin e OSBE që s’di se çfarë ua mbuloi sytë, o gjethet e kokainës apo paratë që prishën zgjedhjet e 25 qershorit”, tha Vasili.
Elio Laze, një anëtar i “grupit të zjarrit” të LSI-së i cili sulmon këdo që shpallet si kritik i partisë së Metës, i bën biografinë politologut të njohur. E nxjerr sorosian, pasi sipas tij ka përfunduar Universitetin Amerikan të Bullgarisë, aksioner i së cilit nuk është kush tjetër por hebreu hungarezo-amerikan.
“Blendi Kajsiu ka kryer studimet e larta ne Universitetin Amerikan te Bullgarise. Nje shkolle ku George Sorosi famekeq ka investuar para per ta ndertuar. Masterin e ka kryer ne Essex University me nje burse te dhuruar po nga Soros. Me pas u kthye ketu ku me ndihmen e rrjetit Sorosian u infiltrua ne jeten social-politike te vendit bashke me te tjere diversante te rrjetit te gjysh Xhorxhit. Pra deri ketu e kemi te qarte qe Blendi Kajsiu eshte thjesht dhe vetem nje pjese kembimi nga keto te prodhuarit ne fabrikat e George Soros”, shkruan Laze.
Blendi Kajsiu ka qenë këshilltar i Sali Berishës në vitin 2005 si pjesë e grupit liberal të KOP-it së bashku me Adri Nurellarin dhe Ermal Hasimen.
Më pas u tërhoqën dhe themeluan UET së bashku me Henri Çilin. U larguan edhe nga Çili për të qenë zëra të veçuar të së djathtës së moderuar.
U bënë disa vite që Kajsiu është tërhequr nga jeta publike, njëherësh duke zgjedhur të jetojë jashtë Shqipërisë. Me bashkëshorte meksikane, thuhet se po jeton këto kohë në “fshatin e nuses”, në shtetin e Amerikës Qëndrore. /tesheshi.com/
