Në rolin e qartë të një kryeopozitari, presidenti Meta vijon betejën e tij me qeverinë, ku stacioni i radhës për t’u denoncuar prej tij është blektoria.
“Blegtoria, një nga sektorët më të rëndësishëm të bujqësisë shqiptare, për fat të keq, ashtu siç tregojnë dhe indikatorët e INSTAT, pas vitit 2017, po shkon drejt një rënie të lirë.
Braktisja e bujqësisë dhe blegtorisë po shpopullon zonat rurale dhe më të bukura të vendit, ndërkohë që miliarda euro jepen për koncesione të dyshimta dhe tendera ‘sekrete’. Shqipëria është e fundit në rajon sa i takon mbështetjes së bujqësisë.
Kjo qasje duhet të ndryshojë një herë e përgjithmonë”, shkruan njeriu që mban postin e kreut të shtetit.
Kujtojmë se në deri në 2017, vit kur PS vendosi të ndahet nga LSI, bujqësia drejtohej nga kjo e fundit. /tesheshi.com/
