Lëvizja Socialiste për Integrim i është kundërpërgjigjur akuzave të ngritura nga ish-kryeministri Sali Berisha për kalim të pagesave nga Thesari i Shtetit në llogari të LSI-së. Sekretari i Përgjithshëm i kësaj partie, Ylli Manjani tha se edhe pse në LSI nuk kanë kohë për Berishën, po e jep një përgjigje:
“Berisha është një plak në pension dhe ka nge të merret me Facebook-un. Ne nuk kemi kohë për Berishën, por një përgjigje po e jap: pagesa me thesar është më transparentja e mundshme. Nga paga e zyrtarit politik, thesari bën ndalesën përkatëse. Është zgjedhur mënyra me thesar për të qenë më transparentë. Thesari është publik dhe nuk kemi gjë për të fshehur”, deklaroi Manjani.
Berisha kishte akuzuar më herët në një postim në Facebook se Kuvendi i Shqipërisë dhe Ministria e Mjedisit përdorin Thesarin e Shtetit për të financuar LSI-në dhe kanë kaluar pagesat në llogari të Lëvizjes Socialiste për Integrim. /tesheshi.com/
