Vizitën e së hënës të Zëvëndësndihmës Sekretatit amerikan të shtetit në Tiranë, kreu i LSI-së, Petrit Vasili e ka konsideruar si një shans të madh për dhënien fund të ngërçit politik.
“Zv.ndihmëssekretari i shtetit të SHBA Brian Hoyt Yee nesër në Tiranë. Një shans për kompromis, që mundëson vazhdimin e integrimit europian dhe zgjedhje të lira dhe të ndershme. Një shans për momentin dhe qetësinë që duam dhe aspirtojmë të gjithë”, shprehet Vasili në një reagimin e tij, duke potencuar rëndësinë e kësaj vizite. Dhe në fakt, kjo është ndërhyrja më e fortë amerikane në këto javët e fundit angazhim n ndërkombëtar për të gjetur gjuhën e kompromisit mes palëve dhe nxjerrjen e opozitës nga çadra për të marrë pjesë në zgjedhje.
Një ditë më parë, Hoyt Yee foli mbi kërcënimin e ndikimit rus në rajon, duke provokuar kriza politike në disa vende. /tesheshi.com/
