Deputeti i LSI-së, Endrit Brahimllari, e cilëson kryeministrin Edi Rama si bosin e drogës. Brahimllari ka reaguar pas kapjes së një sasie prej dy tonë marjuanë në brigjet italiane, ndonëse nuk ka ndonjë të dhënë që lënda narkotike të jetë nisur nga Shqipëria. Në një status në rrjetin social Facebook, Brahimllari thotë se task-forca e ngritur për luftimin e trafikut të drogës, në “të vërtetë funksionon vetëm si bordero pagash për kultivuesit dhe trafikantët”.
“Bosit të drogës, Edi Ramës, iu kapën 2.3 ton kanabis!
Bërtet për task-forcën që do të luftojë trafikun e drogës, por kjo task-forcë nuk ekziston. Në të vërtetë funksionon vetëm si bordero pagash për kultivuesit dhe trafikantët.
Bosi i drogës vazhdon me shoë-n e tij mediatik ndërkohë që Shqipëria fundoset gjithmonë e më shumë në pasiguri dhe bën lajmin kryesor në mediat Europiane”, shkruan Brahimllari në rrjetet sociale. /tesheshi.com/
