Lidhja e Social Demokratëve të Maqedonisë ka përsëritur qëndrimin se Talat Xhaferi është zgjedhur për kryeparlamentar sipas Rregullores, ligjeve dhe Kushtetutës, dhe këtu asgjë nuk është kontestuese. Ndërsa në periudhën që pason, sipas tyre me të njëjtën procedurë shumica parlamentare do ta zgjedh qeverinë e re.
Proceset demokratike, siç thekson LSDM, do të vazhdojnë për shkak se kjo është ardhmëria e qytetarëve për jetë cilësore dhe kjo është rruga e Maqedonisë drejt BE-së dhe NATO-s.
Sipas LSDM-së, shumica parlamentare për këtë proces e ka mbështetjen e të paktën 700.000 qytetarëve të cilët zgjodhën ndryshime, por edhe të gjithë qytetarëve të tjerë dhe pjesëtarë, aktivistë të partive.
“Nuk ka më vend për politikat e tensioneve, ndarje, urrejtje, destabilizim me ç’rast të gjithë ata me dhunën e përgjakur në Parlament bënë vepër të rëndë penale, rrezikim terrorist të rendit kushtetues dhe sigurisë së deputetëve, të punësuarve në Kuvend dhe mbi institucionin shtetëror”, thuhet në kumtesën e LSDM-së.
Ata në vazhdim kanë porositur Prokurorinë Publike dhe MPB-në që të veprojnë sipas detyrës zyrtare për skenarin e dhunshën para 3 ditëve në Kuvend dhe porositësit, dhunuesit dhe kriminelët të mbajnë përgjegjësi. /tesheshi.com/
