Ka qenë LSDM ajo që ka propozuar shqiptarin e BDI-së, Talat Xhaferi, për kreun e Kuvendit të Maqedonisë. Zëdhënësit Petre Shilegov, tha se është dorëzuar iniciativa me e 20 deputetëve për zgjedhjen Xhaferit si kryeparlamentar.
Por VMRO dhe BESA kanë paraqitur kandidaturat e tyre përkatëse.
Për të parën, është rregull që kryetarët e parlamentit vijnë nga partitë fituese. Ndërsa për të dytën, Lëvizjen BESA, Talat Xhaferi nuk është i pranueshëm për kryetar Kuvendi.
Për më tepër, kjo parti thotë se është më meritore për ta marrë drejtimin e Kuvendit, sepse është partia e vetme mbi të cilën nuk rëndon asnjë dyshim për krim dhe korrupsion
Jozyrtarisht merret vesh se kandidat i Lëvizjes BESA për kryetar Kuvendi do të jetë deputeti Afrim Gashi. /tesheshi.com/
