Njeriu i cili është realizuesi kryesor i skemave të Gruevskit ku në përgjimet e bisedave telefonike me një bashkëpartiak dëgjohet të thotë“ harxhojmë për çokollata ndërsa nuk kemi për bukë”, Zoran Stavrevski, nuk po e respekton Ligjin për borxhin publik, që vet kërkoi të votohet nga shumica parlamentare, vërtetuan nga LSDM-ja.
LSDM-ja përkujtoi se me procedurë të shkurtuar, kur deputetët e opozitës nuk morën pjesë në punën e Parlamentit, pushteti vet i votoi ndryshimet e Ligjit për borxhin publik me qëllim që në mënyrë jo reale të tregohet shuma e vërtet e borxhit publik.
“Në pajtueshmëri me ligjin e njëjtë, Stavrevski kishte për obligim që të publikoj se sa është borxhi publik me 30 tetor të vitit 2015, gjegjësisht dje. Ashtu si mund të vërtetohet në tërë opinionin, afati kaloi. Stavrevski e theu ligjin, borxhi nuk është publikuar”, thuan nga LSDM-ja. Nga partia përfunduan se Stavrevski përsëri po e fsheh borxhin nga opinioni.
