Partia opozitare në Maqedoni LSDM, e cila tashmë do të hyjë në një qeveri me VRMO-DPMNE ka akuzuar kryeministrin Gruevski dhe ministrin e Shëndetësisë Todorov se shkurtimi në buxhetin shëndetësor ka ndikuar në vdekshmërinë foshnjore.
Partia më e madhe opozitare kërkon që Gruevski dhe Todorov të përgjigjen publikisht:
“Nëse vdekja në numër të madh të të posalindurve është rezultat i menaxhimit shumë të mirë të tyre dhe shkurtesave në buxhet për shëndetësi?
Nëse Gruevski dhe Todorov paratë e destinuara për nënat shtatzëna i kanë destinuar diku tjetër”?
LSDM-ja thekson në deklaratën e saj se në zona si Dojrani vdekshmëria foshnjore është mbi 30, në 1 mijë banorë. Po sipas opozitës, “në këtë kolaps që gjendet shëndetësia në vend po vdesin pacientët, sulmohen mjekët dhe spitalet prishen ditë pas dite”./tesheshi.com/
