Ndarjen nga jeta të Kryepeshkopit të Shqipërisë Anastas Janullatos, ndodhur në orën 8:30 të mëngjesit të sotëm, pas shumë ditësh shtrimi në spitalin “Evangelismos” në Athinë, po e qan dhe Pirro Dhima, himarioti i famshëm i peshëngritjes shqiptare e më pas asaj greke.
“Ishim shumë fat që e patëm”, tha ai në emisionin “Kalimera” në SKAI, duke mos i mbajtur dot lotët.
“Një humbje e madhe për helenizmin e Vorio Epirit dhe Shqipërisë”, theksoi Pirro Dhima. “Ka bërë një punë të shkëlqyer, ishte pranë të pafuqishmëve, njerëzve në nevojë”, vazhdoi ai i prekur dukshëm. “Ai ka qenë gjithmonë pranë nesh (në helenizmin e Vorio Epirit), ka ndihmuar shkollat tona, spitalet tona, njerëzit tanë”.
“Ai ishte njeriu ynë, na kishte të gjithëve ashtu, ishte gjithmonë pranë nesh. Sa hapa sytë, ishte gjëja e parë që dëgjova, është e vështirë (lajmi për humbjen e Kryepeshkopit të Shqipërisë). Ishim shumë me fat që e patëm”, përfundoi Pirro Dhima. /tesheshi.com/
