UNICEF ka postuar në rrjetet sociale një video tronditëse të një djali 18-vjeçar ukrainas, nëna e të cilit u vra nga rusët.
“Nëna ime u vra. Ajo vdiq në krahët e mi,” e fillon historinë e tij Viacheslav.
Nëna e tij u vra kur dy granata ranë pranë shtëpisë së tyre në rajonin e Donetskut.
“Granata ra vetëm disa hapa larg nesh. Hapa sytë, ajo ishte e shtrirë anash. Fjalët e saj të fundit ishin – Jam mirë …
E ktheva drejt meje … “, Viacheslav ndalon së foluri këtu, duke mos pushuar së qari.
E vetmja familje që i ka mbetur janë dy motrat dhe dy vëllezërit më të vegjël.
“Kur hyra në shtëpi, ata kuptuan gjithçka. Vetëm Nicole më pyeti nëse kishte mundësi që nëna të ishte gjallë.”
Fëmijët janë aktualisht në një vend të sigurt në Ukrainën lindore. Viacheslav tani është i vetmi që kujdeset për vëllezërit dhe motrat e tij.
“Unë dua që ata të kenë një të ardhme tjetër dhe do të bëj gjithçka për të,” thotë ai me një buzëqeshje në fytyrën e tij.
Videoja e UNICEF-it përfundon me mesazhin “të gjithë fëmijët kanë nevojë për një familje”, dhe me hashtagun se fëmijët nuk janë dhe nuk duhet të jenë objektiv i luftës. /tesheshi.com/
Her last words were: "I'm alright."
18-year-old Viacheslav's mother was killed after shelling hit their home in Ukraine. Through the horror and heartbreak, he's doing everything he can to make life better for his four younger siblings. #NotATarget pic.twitter.com/ivK1cjuGZg
— UNICEF (@UNICEF) May 23, 2022
