Të gjitha ata që kanë aplikuar deri më tani për lotarinë ameriikane nga Shqipëria, do të duhet të përsërisin proçesin.
Ambasada amerikane në Tiranë ka njoftuar se për shkak të problemeve teknike që u shfaqën në portalin e regjistrimit online, është vendour që të shtyhet afati i aplikimeve, kësisoj, gjithçka nis nga e para këtë të mërkurë ndërsa afati përfundimtar mbarom më 22 nëntor, në orën 17:00.
“Për shkak të problemeve teknike, periudha e regjistrimit për Lotarinë DV-2019 do të rifillojë nga e para.
Të gjitha regjistrimet e bëra përpara datës 18 tetor 2017 do të duhet të ribëhen në mënyrë që të merren në konsideratë.
Ne na vjen keq për shqetësimin e krijuar për aplikantët e vizave të shumëllojshmërisë. Për të siguruar drejtësi dhe për të mbrojtur integritetin e procesit për të gjithë ata që janë të interesuar, ne duhet ta rifillojmë procesin e regjistrimit për këtë vit (DV-2019).
Periudha e re e regjistrimit për Lotarinë DV-2019 do të hapet të Mërkurën, 18 tetor 2017, në orën 18:00 ora lokale e Shqipërisë dhe mbyllet më 22 nëntor 2017, ora 17:00 ora lokale e Shqipërisë. Nëse keni ndonjë pyetje mbi regjistrimin, jeni të mirëpritur të na shkruani këtu. Udhëzimet e Lotarisë gjenden tek faqja e Ambasadës në: https://goo.gl/5SjV6h #AskAnna”, thuhet në njoftimin e ambasadës amerikane në Tiranë. /tesheshi.com/
