Lotaria amerikane do të nisë nesër (3 tetor), ndërsa proçesi mbyllet më 7 nëntor. Gjatë periudhës së regjistrimit applikantët do të kenë akses për formularin, Form (E-DV), në adresën www.dvlottery.state.gov.
Aplikantëve u sugjerohet që të mos presin deri ditën e fundit. Të gjithë ata që bëjnë kërkesë dy herë, skualifikohen.
Kërkesat e bëra si duhet do të konfirmohen në internet , ku do të shihni emrin tuaj, ditëlindjen, vendlindjen. Mund të skualifikoheni nëse nuk dërgoni fotografitë, elektronikisht.
Formularët në letër nuk pranohen. Fotografitë duhet të jenë për ju, për bashkëshortin tuaj,për secilin fëmijë nën moshën 21 vjeç,duke përfshirë këtu edhe fëmijët e adoptuar.
Në emisionin “Rudina” në Klan tv, Emily Enright dhe Lorenc Mansaku kanë folur për detaje dhe kanë informuar rreth aplikimeve për lotarinë amerikane.
Ata sqaruan se kushti për aplikantët është që të kenë përfunduar shkollën e mesme, ndërsa nuk ka kufizime përsa i përket moshës.
Po në proçes, sipas tyre, ka dy ndryshime rëndësishme.
“Duhet të përdorni një foto të re këtë vit. Nuk duket të përdorni një foto që është përdorur vitin më parë. Ka një ndryshim për mirë këtë vit sepse ju keni mundësinë e verifikimit të dhënave.
Është shumë e rëndësishme se çdo person duhet ta plotësoje vetë aplikimin. Nëse anglishtja juaj nuk është në nivelin e duhur për plotësim e formularit, ky nuk është kusht për t´ju skualifikuar.
Kriter është që duhet të kesh shkollën e mesme gjatë kohës që jepen intervista”, tha Mansaku. /tesheshi.com/
